OWESIFAZANE waseNingizimu Afrika ukhalelwe nngamasongo kaSgonyela ngezinsolo zokuhlanganyela nowesilisa waseMozambique kuhlelwe ukuthunjwa kwakhe.
Ngokubika kwe-eNCA lona wesifazane kwabikwa ukuthi unyamalele ngemuva kokuthunjwa ngesonto eledlule futhi kudingakala imali emndenini wakhe ukuze adedelwe.
Kubikwa ukuthi ngemuva kwalezi zindaba amaphoyisa aphuma inqina aqala uphenyo ngalesi sigameko.
Uphenyo lwamaphoyisa luwaholele kumuzi oseMoroka lapho emfice khona nalona wesilisa waseMozambique.
Kuphinde kwavela nokuthi bobabili laba babekuhlelile lokhu ngenhloso yokuthola imali njengoba kwakungamampunge ukuthi uthunjiwe lona wesifazane.
Babe sebekhalelwa ngamasongo kaSgonyela njengoba kulindeleke ukuba bavele maduze enkantolo.
