KUBOSHWE umuntu wokufika, okuleli ngokungemthetho, oyanyaniswa nesigameko sokudubula esenzeke emijondolo ebizwa ngeMarry Me, eSoshanguve, lapho kushone khona abantu abayisithupha.
Lokhu kuvezwe nguNgqongqoshe wamaPhoyisa uMnu Senzo Mchunu ngesikhathi ehambele kule ndawo namuhla ngoLwesibili. Kubikwa ukuthi ngoMgqibelo ebusuku amalungu esigungu sokuqapa umphakathi bebesemsebenzini wabo ngesikhathi behlangana nabesili abahlanu, kwaba khona ukuhilizisaba ngaphambi kokuba kudutshulwane.
Kuqale kwaqinisekiswa ukuthi kufe abantu abane, kwathi abawu-8 baphuthunyiswa esibhedlela.
“Okwamanje singakuqinisekisa ukuthi sekuboshwe umuntu oyedwa mayelana nalesi sigameko. Amaphoyisa athole isibhamu esisodwa kumsolwa esisayohlolwa ukuthi sisebenzile yini kulesi sigameko, noma ezinye. Oboshiwe ngumuntu wangaphandle, okuleli ngokungemthetho,” kusho uMchunu.
Ungqongqoshe ube esedlulisa amazwi enduduzo emindenini yezisulu.
