Ukhalelwe ngamasongo kaSgonyela owesilisa wase-Ethiopia oneminyaka ewu-26 ubudala osolwa ngokudlwengula intombazane eneminyaka ewu-6 ubudala endaweni yase-Arnot ngaseHendrina eMpumalanga.
Ngokubika kweTimesLive lo mlisa ulindeleke ukuthi avele ngoMsombuluko enkantolo yeMantshi yaseHendrina.
Ngokusho kwamaphoyisa lesi sigameko senzeke ngoLwesine olwedlule ntambama ngesikhathi le ntombazane ibithunywe esitolo esiseduze nakubo.
Okhulumela amaphoyisa uBrigadier Donald Mdhluli uthe icala labikwa emaphoyisa kwabe sekuqala uphenyo.
UMdhluli uthe umsolwa uboshwe ngoMgqibelo.
Ukhomishana wamaPhoyisa eMpumalanga uMajor General Zeph Mkhwanazi usigxekile lesi sigameko wabe esencoma ukusebenza kwamaphoyisa ngokusebenza ngokuzikhandla ukuqinisekisa ukuthi umsolwa uyaboshwa ukuze abhekane nengalo yomthetho.
Uthe njengamaphoyisa bazibophezele ukwenza konke okusemandlelo ukuqinisekisa ukuvikela labo abangakwazi ukuzivikela ikakhulukazi abadala, abesifazane nezingne.
