KWENZEKE okungajwa-yelekile usomahlaya ezicelela ukujikijelwa ngamaphenti esiteji, emcimbini iComedy Meets Gospel, obungoMgqibelo woSuku Lwezithandani (Valentine’s Day), ebusuku eThe Globe, eSuncost Casino, eThekwini.
UJustice Kubheka ovule ngoku-semthethweni lo mcimbi wosoma-hlaya abanohlonzo, uhlekise izethameli kusuka ewuvula nje umlomo, kwaze kwaba uyaphuma enkundleni, eshiya izethameli sekubuhlungu izisu wukuhleka.
Uqale wazenza umuntu olahlekelwa wumqondo ngokwenza inkulumo engahlangani, obekuthi izethameli zisayilandela, zizithole sezilahleka ngenxa yokuzishiya emoyeni.
Uyivale ngegiya eliphezulu, ekhipha amadilozi nepitikoti ukuba izethameli zimjikijele ngakho esiteji, ukukhombisa ukumamukela kahle, okuthe uma sekwenzeka ngendlela abeku-hlele ngayo, izethameli zamja-bulela zaze zama ngezinyawo, kuduma ihlombe yonke indawo.
Ulandelwe nguNonto R, ongaphoxanga njengoba engene wa-gxila kubefundisi nasebhayibhelini, ekhuthaza abantu ukusika iphethini emibhalweni yakhona, ethinta abesifazane ababengaziphethe kahle, ukuthi empeleni uyakwazi ukuba yisibonelo noma ungasina-kile isibaya sikayihlo, nakho oku-shiye abaningi befuna impinda.
Empeleni akekho usomahlaya odumazile kwabebeboshelwe kulo mcimbi njengoba noKhanyisa Bunu, uTall Ass Mo noChurchboy, bejabulise izethemali.
UChurchboy, ozishaya sanceku yenkosi, uthi wabanjwa edakiwe yiphoyisa lomgwaqo, walitshela ukuthi lihambe kabi ngoba kuya-ziwa ukuthi zombili lezi zinhla-ngothi, zizifela ngento eyodwa, imali.
Amahlaya elanywe yidili lomculo wokholo njengoba inkundla ishukunyiswe nguDumi Mkokstad, olande-lwe nguJumbo, kwase kuvala uXoli Mncwango, okwenze izethameli zaze zaphuma sekuyoshaya u-12 ebusuku.
UNonto R obehlele lo mcimbi, uthe sewuzokuba minyaka yonke.
“Kakusibo bonke abantu aba-qomile noma abaqonyiwe, ngakho-ke ngihlele ukuthi wonke umuntu ngalolu suku lwezithandani angazizwa eyedwa, kodwa azojabula nathi ngalolu suku.
“Nabaganene bamukelekile ngoba bayasidinga isikhathi sokushaywa wumoya ndawonye, bazo-hleka, bakhohlwe yizinkinga. Ngingumuntu okhuthaza kakhulu uthando (lwezithandani) nothando lukaNkulunkulu,” esho.
Uthi ngendlela abantu abebebuthene ngayo kulo mcimbi yize beli-yidliva, imjabulisile.
“Umcimbi ube yimpumelelo, abantu baphume ngobuningi bazohleka, sadumisa ndawonye. Nezincomo engizitholile ngoku-hleleka komcimbi, zingijabulisile. umuntu oza kwi-show yami, ngifubna ahambe enelisekile futhi ejabu-lile,” kuchaza lo somahlaya.
