BEBEFUNELWA amacala abucayi abasolwa abasolwa ngokubamba imoto yemali ku-N2 namuhla ekuseni.
Lokhu kuvele ngesikhathi amaphoyisa edubula ababili, kwaphangalala oyedwa omunye walimala kanzima emgaqweni uChe Guevara, eBerea eThekwini, ngoLwesibili ntambama.
Imibiko iveza ukuthi uphiko lwamaphoyisa oKlebe, amaphoyisa kaMasipala weTheku nenkampani yonogada ezimele iMagma bebesezithendeni zabasolwa belandela umkhondo kusuka ekubanjweni kwemoto yemali ekseni ngoLwesibili.
Kuthiwa amaphoyisa athole ulwazi kwizinhloli zawo abe eselandela imoto yohlobo lwe-VW Polo, okusolwa ukuthi abasolwa bayebe kwaMakhutha, azama ukuyimisa nokuyilapho abasolwa bevulele khona ngenhlamvu bebhekise kuwo, nawo abuyisela ngayo.
Okhulumela amaphoyisa KwaZulu-Natal uCol Robert Netshiunda uthi laba basolwa bebefunelwa uxhaxha lwamacala okubalwa kuwo awokubulala amahlanu, ukuthumba nokubamba imoto yemali.
Uthi emotweni abebehamba ngayo kutholakale isibhamu esicishwe izinombolo.
Uveze ukuthi amaphoyisa ayaqhubeka nokusebenza loludaba.
