SKHOSIPHI MTHEMBU
BASALE enkundleni abalisa ababili abasolwa ngokuba yizinkabi ngesikhathi bedubulana namaphoyisa eMahlabathini, Olundi, ngaphansi kwesifunda iZululand, ngoLwesithathu.
Kubikwa ukuthi amaphoyisa athole umkhondo ngabesilisa abebehamba ngemoto yohlobo lweVW Polo ebomvu, okuthiwa bebesendleleni, beyosoconga usomatekisi eMahlabathini.
Ngokwesitatimende, amaphoyisa abone le moto emgwaqweni uP700 eMahlabathini, ayimisa. Kubikwa ukuthi ivele wama phakathi nomgwaqo, kwehla abalisa ababili, bavulela ngenhlamvu bebhekise emaphoyiseni.
Amaphoyisa aphindiselile, babe sebedubuleka laba besilisa, bashonela khona lapho.
Kube sekuthokala izibhamu ezintathu nezinhlamvu, kanti uphenyo lwamaphoyisa luveze ukuthi esinye sazo sebiwa eMacekane Reserve, eMthunzini.
Kulesi sigameko kalikho iphoyisa elilimele.
