SIMUNCU isimo emndenini wakwaGina eMadonela eJozini kunyamalala amalungu amathathu kade eyogeza empophomeni.
Umphakathi namaphoyisa aphume inqina ukubheka uNkz Feziwe Gina (43) nezingane ezimbili uMeluthando Nyawo (5) noMfihlakalo Gina (6).
Ngokuthola kweLANGA amalungu omndeni wakwaGina awu-16 abesuka eJozini eya empophomeni eseMacekane kwaHlabisa ngoMsombuluko.
Kuthiwa laba abanyamalele bese beqedile ukungeniswa empophopmeni babe sebephindela ezimotweni abebehamba ngazo kodwa bangafika kuzona.
UNkz Sbongakonke Gina ongunina kaMfihlakalo okunguyena ubebafaka empophomeni, uthi udadewabo nezingane bangene kuqala emanzini okuthe uma beqeda wathi uphindela emotweni nezingane .
Uqhube uthi umndeni usuqedile wonke wabafica bengekho emotweni.
Uthi babheke ubusuku bonke bangoMsombuluko bangabathola baze bayobikela amaphoyisa.
Kucelwa noma ngabe ngubani ongaba nolwazi noma obabonayo athinte uCapt Thulani Nene kule nombolo yocingo ethi 0723362621 noma umxhunisi emaphoyiseni aseMkhanyakude uCapt Justice Hlabisa kule nombo ethi 0825580130
