UMNYANGO wezobuLungiswa eNingizimu Afrika ugxeke uNobhala Jikelele we-MK Party uMnu Floyd Shivhambu ngokuvakashela ibandla likaMfu Shepherd Bushiri i-Enlightened Christian Gathering eMalawi.
UShivhambu uhambele kuleli bandla ukuzoba yingxenye yenkonzo yalo yePhasika.
Kuzokhumbuleka ukuthi uBushiri nomkakhe babaleka eNingizimu Afrika ngo-2020.
Babhekene namacala okubalwa kuwo awokudlwengula nokukhwabanisa.
Uhulumeni waseNingizimu Afrika usezinhlelweni zokubabuyisa eMalawi ukuzobhekana nengalo yomthetho.
UNgqongqoshe wezobuLungiswa uNkk Mmamoloko Kubayi uchaze ukuvakasha kukaShivhambu kuleli bandla njengesikhombisa ukungawuhloniphi umthethosisekelo wakuleli.
Nayo iMK Party ikhiphe isitatimende izihlangula ngalesi senzo sikaShivhambu.
Leli qembu liziqhelelanisile nalolu hambo lukaShivhamba laveza ukuthi uzihambele ngokwakhe ngaphandle kwesikhundla sakhe sokuba nguNobhala Jikelele waleli qembu.
IMK Party ithe iyawuhlonipha umthethosisekelo wakuleli futhi ayihambisana nanoma yini ephikisana nawo noma ewubukela phansi.
