SEKUHLEHLISELWE usuku olungadalulwanga ukulalelwa kobufakazi benhloko yophiko lwamaphoyisa i-Investigating Directorate Against Corruption (IDAC) u-Andrea Johnson ngemva kokuba ephuthunyise esibhedlela ngesifo esingadalulwanga.
UJonhson bekumele avele phambi kweCommission kaMadlanga namhlanje ngoMsombuluko. Ubufakazi bakhe bebubhekwe ngabomvu njengoba kuvela ukuthi kukhona abangakwenzanga ngendlela odabeni oluthinta isikhulu samaphoyisa General Feroz Khan.
Ummeli wakhe uBhodlani utshele ikhomishini ukuthi uthole ucingo kunogada kaJohnson, emazisa ukuthi ikilayenti lakhe seliphuthunyiswe esibhedlela. Uhlinzeke ikhomishini ngencwadi kadokotela.
UMadlanga uyigxekile le incwadi, wathi ayinamniningwane, iyefana nje nezinye abejwayele ukuzithola azigxeke.
