UHLONISHWE ngokuhlanganisa isizwe ngezemidlalo, nokunika ithuba abadlali abanethalente ngaphandle kokubheka uhlanga lwabo, umqeqeshi wamaBhokobhoko uRassie Eramus.
U-Erasmus ungomunye wabantu abahlonishwe emcimbini wezindondo, owaziwa ngeNational Orders, okuhloswe ngawo ukubungaza abantu bakuleli nabangaphandle ababambe iqhaza ekuchumiseni intando yeningi, nasekubekeni izwe ebalazweni lomhlaba. Kulo mcimbi obuseziNdlini zoMbusu ePitoli ngoLwesibili, lo mqeqeshi uhlonishwe nge-Order of Ikhamanga, ebhekelele umkhakha wezemidlalo, ubuciko namasiko.
U-Erasmus uvale abaningi imilomo ngemuva ngokuthatha izintambo ekuqeqesheni iqembu lesizwe, njengoba phambilini umbhoxo ukuthathwa njengemdlalo wabantu abamhlophe. Ufike wanika ithuba abadlali abafana noSiya Kolisi (ukaputeni) noMakazole Mapimpi (ukubala nje abambalwa), ababe neqhaza elikhulu AmaBhokobhoko enqoba indebe yomhlaba amahlandla amabili kulandelana.
Selubonakala lugqama kakhulu ubumbano uma leli qembu lidlala imidlalo yalo, ehlale njalo igcwala phama ngabantu bezinhlana ezehlukene.
*Selulonke uhlu lwabahlonishiwe lumi kanje:
Order of Ikhamanga in Gold:
– MR JOHAN RASSIE ERASMUS
– MR WOUTER KELLERMAN: (umdlali weFlute)
– MR TODD MATSHIKIZA (umculi weJazz ongasekho)
– PROF. KHABAJANE (KHABI) VIVIAN MNGOMA (umdlali wePiano nombhidisi wamakhwaya ongasekho)
-MR JEREMIAH KIPPIE MOROLONG MOEKETSI (umdlali weSaxophone ongasekho)
– MS QUEENETH MARIA NDABA (umculi weJazz ongasekho)
– MR MOLEFE PHETO (Umculi owayebuye afundise umculo, ongasekho).
Order of Ikhamanga in Silver (umculi)
– MR JONNY MBIZO DYANI (Umculi weJazz ongasekho)
– MS ANDISWA PRECIOUS GEBASHE (umhumushi weSign Language ongummeli)
– MR NORMAN HLABANE (ibhokisa)
– DR TREVOR JONES (umkhiqizi wamafilimu nemidlalo kamabonakude)
– DR OLIVER KGADIME MATSEPE (umbhali wezincwadi ongasekho)
– MR OSCAR “OSKIDO” MDLONGWA: (uDJ nomdidiyeli womculo)
– PROF. DEUTERONOMY BHEKINKOSI ZEBLON NTULI (umbhali wezincwadi nomhumushi)
– MR BENJAMIN JOHN PETER TYAMZASHE (Umculi ongasekho)
Order of Ikhamanga in Bronze:
– MR GAVIN JAMES KRASTIN (oyiPerfomance Artist nothisha wezobuciko)
– MS DALENE MATTHEE (Umbhali ongasekho)
– MR SAMUEL MHANGWANI (umculi weJazz)
Order of the Baobab in Gold:
– PROFESSOR CHABANI NOEL MANGANYI (Ongasekho – owayengumphathi eNyuvesi yasePitoli)
Order of Baobab in Silver:
– PROF. KUBEDI PATRICK MOKHOBO (udokotela wenhliziyo)
Order of the Baobab in Bronze
– PROF. PUMLA GOBODO-MADIKIZELA (oyilungu lebhodi leNational Reasearch Foundation)
Order of Luthuli in Gold:
– MR JACK SIMONS (Ongasekho, owayeyisishoshovu somzabalazo)
– MS RAY ALEXANDER SIMONS (Ongasekho, naye owayesishoshovu nomyeni wakhe ongenhla)
Order of Luthuli in Silver:
– MS MMAGAUTA MOLEFE (oyisishoshovu somzabalazo)
– MR CAIPHUS NYOKA (Ongasekho, owayeyisishoshovu somzabalazo)
Order of Luthuli in Bronze:
– MS ADELE KIRSTEN (oyisishoshovu sokuphepha emphakathini).
Order of Mapungubwe in Gold:
– PROFESSOR TULIO DE OLIVEIRA (owathola uhlobo lweCovid-19 olubizwa nge-Omicron)
– PROFESSOR SALIM ABDOOL KARIM (ongumcwaningi wezifo ezithathelanayo eNingizimu Afrika)
Order of Mapungubwe in Silver:
– PROF. KEERTAN DHEDA (ongumncwaningi wezifo)
– PROF. VUKOSI NTSAKISI MARIVATE (ongusosayensi)
Order of Mapungubwe in Bronze:
– PROF. PRISCILLA BAKER (ongumcwaningi wezesayensi nezobuchwepheshe)
– PROF. KAREN SLIWA-HAHNLE (ongumcwaningi wezifo eziphatheleni nenhliziyo negazi)
Order of the Companion of OR Tambo in Silver:
– MS TERESA HILLARY CLARKE (usomabhizinisi wase-USA)
– MR PIERRE MAGNEE (Usopolitiki ongummeli waseNetherlands)
– PROF. CHERIF KEITA (Umkhiqizi wamafilimiu waseMali)
– MS NAOMI KLEINFELD (waseNetherlands)
