USIHLALO we-Ndlu yabaHoli boMdabu nama-Khoisan, KwaZu-lu-Natal, iNkosi uSifiso kaBhekamadoda Shinga, “iqhumise isitshwebhu”, isibheki-se emakhosini angayi uma kune-mikhosi yaseNdlunkulu, esinga-thwa yiSilo uMisuzulu.
INkosi uShinga, ibikhuluma eMkhosini waMaganu, obuseMachobeni, eNgwavuma, esiFundeni uMkhanyakude, ngoMgqibelo. INkosi yakwaNdelu (Shinga), ithe amakhosi ayingubo yokwembatha yeSilo, ngakho uma sinemikhosi, kufanele abekhona ayosizimazisa.Ithi kuwukungasihloniphi iSilo ukuthi uma senze imikhosi yesi-zwe, kube khona amakhosi angayi.
“Noma kuthiwa uyinkosi esesiFundeni aMajuba, noma useHarry Gwala, uma Omdala esingethe umkhosi, fika, ngoba wumkhosi wesizwe lona osuke wenziwa. Aba-ntu bazokhuthala kanjani ukuha-mbela imikhosi, uma amakhosi abaholayo engezi emikhosini?” kubuza iNkosi uShinga.
UMkhosi waMaganu, ubusesigo-dlweni seSilo, esisendaweni ye-Nkosi uMphumeleli Lubelo Mngo-mezulu II, ebikhona, kukhona iNkosi yesizwe saKwaTembe iNkosi uMabhudu kaMzimba Tembe, yiNkosi yaKwaMakhasa iNkosi uZwelinzima kaHulumeni Gumede, iNkosi uSizabantu Gumede, yesizwe saKwaManaba, eneminyaka ewu-102, ebiqhutshwa ngesihlalo esinamasondo (wheelchair), neNkosi uVukani Nto-mbela, yaKwaNobamba, esiFu-ndeni iZululand.
Lo mkhosi wenzelwa esiFundeni uMkhanyakude nje, uSihlalo wamakhosi kulesiya sifunda, iNko-si uMbuso Gumede, yaKwaSiqaka-tha, ibingekho.
ISilo enkulumeni yaso, sinxuse amakhosi ukuba abambisane naso njengoba sesimbhidlangweni wo-kongiwa kwemvelo.
“Ngibambisene nabeSimangaliso Wetlands Park nabeZemvelo, ukuqinisekisa ukuthi izihlahla ezi-njengalezi ezikhiqiza amaganu esihlangene ngawo namhlanje ka-zishabalali. Sikhuthaza ukuthi abantu esibaholayo bakukhuthale-le ukutshala izihlahla ngoba isi-hlahla siletha impilo kumuntu, ku-sukela emoyeni awuphefumulayo, kuze kumaphilisi athathwa ngaba-ntu uma begula, athakwa ngezihla-hla.
“Amaganu yizithelo zokuqala uMdali asibusisa ngazo uma kuqala unyaka,” kusho iNdlulamithi.
Yize ilanga belishisa kakhulu, abantu baseMkhanyakude bebe-phume ngobuningi, kukhona ama-butho, nomame baseSwazini, aba-vela esigodlweni iMalindza Royal Kraal, abafike bephethe izigubhu ezinotshwala bamaganu nabo.
menzi.jele@ilanganews.co. za
