KULIMALE ababili ngesikhathi kuqubuka umlilo kushuthwa umdlalo oyintandokazi wakwaSABC, iSkeem Saam, ngoMsombuluko.
I-SABC isiqinisekisile lesi sigameko.
“Imicabango yethu ikumalungu ethu alimele, siwafisela ukwelulama okusheshayo. Lo mlilo ulimaze imishini yokusebenza nendawo elungisiwe okushuthelwa kuyona. I-SABC isebenzisana nePeu Communication Solutions neSasani Studios ukuhlonza wonke umonakalo,” kusho iSABC sitatimendeni.
ISkeem Saam singomunye wemidlalo kamabonakude ezifake enhliziyweni yabathandi bezokungxebeleka kuleli. Selokhu saqala ukukhonjiswa ngo-2011.
