NONHLAKANIPHO SHINGA
KULINDELEKE ukuba iphume ekupheleni kwenyanga i-video yengoma kaMthandeni “Igcokama Elisha” Manqele, eshisa izikhotha, ethi Gucci, ayenze noMaWhoo. Le ngoba isibukwe ngaphezu kuka-9 million kuYouTube.
Ngokusho kukaMthandeni, kule mpelasonto esiphuma kuyona bebeqhubeka nokuqopha i-music video yale ngoma eSandton, eGoli. “Izophuma ekupheleni kwale nyanga,” kusho yena.
Le ngoma enenyanga eyodwa iphumile, idlalwa ngisho ezindaweni ezingajwayele ukudlala lolu hlobo lomculi. Ngesonto eledlule uMthandeni ubonakale enandisa e-nightclub eseGoli okuyinto engajwayelekile kubaculi bakamaskandi.
Enkulunweni yakhe neLANGA, uMthandeni wathi isasasa lengoma yakhe, ethi “Paris” – ayenze noLwah Ndlunkulu nyakenye – imdalele ingcindezi, ngakho-ke bekubalulekile ukuthi ingoma azoyikhipha
yenze kahle kakhulu kunayo.
Emasontweni abambalwa edlule, iGcokama noMaWhoo bebeseThekwini beqopha ingxenye ye-video yeGucci. Phambilini uMthandeni wahlebela ILANGA, ukuthi i-albhamu ephelele isikhona, kodwa usalinde isikhathi esifanele ukuyikhipha.
www.ilanganews.co.za
