KUMISWE umdlalo weMotsepe Foundation Championship, obuphakathi kweDurban City neMilford FC, ngenxa yokudlula emhlabeni komdlali. Lo mdlalo umiswe ngesikhathi seziya ekhefini kuhamba phambili iMilford FC, ngo-1-0.
IPremier Soccer League (PSL) ngokubambisana nabaphathi bomdlalo bathathe isinqumo sokuwumisa, bezeseka ngokuthi bazomemezela ngokusemthethweni okuzokwenzeka.
Imibiko iveza ukuthi lo mdlali ube nokuxineka ngesikhathi besazifudumeza ngaphambi komdlalo, waphuthunyiswa esibhedlela lapho efike waphangalala khona.
Lo mdlali ILANGA linalo igama lakhe kodwa ngeke limdalule ngoba umndeni wakhe ubungakaziswa ngokusemthethweni.
Ngokomthetho weligi uma uqhubeka umdlalo, sewuyoqedelwa imizuzu engu-45 ebisele.
