KUNGASE kuphazamiseke ukusatshalaliswa kwemiphumela kamatikuletsheni emaphephandabeni kulandela isimangalo esiphuthumayo esifakwe i-Information Regulator sokuthi kumiswe ukusatshalaliswa kwale miphumela.
Ngokubika kwe-SABC kuliundeleke ukuthi ukulalelwa kwalesi simangalo kwenzeke ngomhla ka-7 kuJanuary 2025.
Phambilini i-Information Regulator yakhipha isexwayiso eMnyangweni wezeMfundo eyisiSekelo ukuthi ukushicilelwa kwale miphumela emaphephandabeni kuzobe kuwukwephula umthetho weProtection of Personal Information (POPI) Act.
USihlalo we-Information Regulator uNkk Pansy Tlakula uveze ukuthi basathola ukwelulekwa ngezomthetho ngalolu daba kwazise umnyango wasishaya indiva isexwayiso sabo.
Uma siphumelela isimangalo se-Information Regulator singaphoqa ukuthi kuphele ngokushicilelwa kwale miphumela emaphephandabeni.
