ISIBHICONGO saseMarikana esashiya abavukuzi abangu-34 beshonile, abangu-78 balimala kanzima, abangu-250 baboshwa, siyohlale siwumlando eNingizimu Afrika.
Lesi sibhicongo senzeka ngomhla ka-16 kuNcwaba (August) ngo-2016, njengoba namuhla ngoMgqibelo kuzobe kuphela iminyaka engu-14 senzeka. Abavukuzi ababeqashwe yiLonmin Mine, eNorth West, babesesitelekeni bengafuni ukungena emagcekeni emayini.
Bancamela ukuyoqhingqa entabeni ebizwa ngeKoppie. Isimo saqala ukushuba ngesikhathi kufika amaphoyisa ngaphansi kwentaba, baqala bawajikujela ngamatshe.
Amaphoyisa ngesikhathi kunekhomishini eyayiphenya ngesibhicongo saseMarikana, athi adubula ngoba ezivikela. Abavukuzi laba iningi labo okwakungabantu abadabuka e-Eastern Cape, kwakungamalungu eNational Union for Miners (NUM), kodwa ngemuva kwesibhicongo, bashintsha bajoyina i-AMCOR, eyasungulwa nguMnu Joseph Mathunjwa.
