UMENGAMELI wamaZulu FC uSandile “The Zunguness” Zungu uqede ukuqagela ngekusasa lo mqeqeshi wale kilabhu u-Arthur “10111” Zwane obekunemibiko ethi uzokhululwa uma kuphela isizini.
USuthu lwethule ngokusemthethweni iPrimo Sports njengabaxhasi balo abasha bezimpahla zokugqoka emcimbini obunamuhla ngoMsombuluko eMoses Mabhida Stadium, eThekwini.
IPrimo ingena endaweni ye-Umbro ebingabaxhasi bale kilabhu.
IPrimo isayine inkontileka yeminyaka emihlanu noSuthu.
Kulo mcimbi uZungu uqede ukuqagela ngekusasa likaZwane obekunomoyana othi uzokhululwa uma kuphela isizini.
“Ngizoqala ngokwamukela iPrimo ngokuqoka thina njengabaxhasi abasha ngiyakuqinisekisa ukuthi ubudlelwano bethu buzoba buhle.
Ngibonge nakwi-Umbro ebisihlale nathi iminyaka engu-7.
Kodwa-ke engifuna ukukuqinisekisa wukuthi uZwane nangesizini ezayo uzobe engumqeqeshi wethu.
Sigculisekile ngomsebenzi wakhe yingakho sizoqhubeka nokusebenza naye,” kusho uZungu.
