AMAPHOYISA aphenya ngesigameko sokudutshulwa kwemoto eyayihamba usekela-mengameli, uMnu Paul Mashatile, ephuma emhlanganweni wesigungu esiphezulu se-ANC emasontweni edlule.
Ekhuluma nabezindaba izolo ngeSonto eMdlovana, ngesikhathi evakashele imishini yaKwaSizabantu, uMashatile uthe kulesi sigameko okuthiwa senzeka emgwaqweni u-N12, wayezitshela ukuthi ngamatshe lawa ayeshaya imoto ayehamba ngayo.
Uthi wayephuma emhlanganweni we-ANC owawubanjwelwe eBirchwood Hotel, eBoksburg.
“Kuthe uma ngifika ekhaya, abaqaphi bami bangitshela ukuthi umonakalo mkhulu kakhulu, ngeke amatshe amancane alimaze isibuko esingangeni ngisho inhlamvu ngale ndlela,” esho.
UMnu Keith Khoza, okhulumela uMashatile, naye usiqinisekisile lesi sigameko.
