KUBE yinjabulo yodwa eNkantolo eNkulu yaseThekwini, kwaqhuma umkikizo kugwetshwa odilikajele abesisa ababulala umfundi waseDurban Girls High.
Inkantolo igwebe uSfundo Bhengu (39) noFreedom Jali (29) ngecala lokubulala u-Aphiwe Ngcobo (17) esigamekweni esenzeka ngoNhlaba (May) wangonyaka odlule. Laba bebebhekene nanecala okubamba inkunzi kusetshenziswa indluzula.
USfundo ugwetshwe udilikajele kwelokubulala, wagwetshwa iminyaka ewu-20 kwelokubamba inkunzi kusetshenziswa indluzula. UFreedom yena ugwetshwe udilikajele kwelokubulala, wathola ewu-15 kwelobamba inkunzi kusetshenziswa indluzula.
