LINGENISWE esibhedlela iphoyisa elisebenzela esiteshini i-Eldorado Park kulandela ukuzama ukuzibulala emuva kokudubula libulale intombi yalo.
Kubikwa ukuthi leli phoyisa elineminyaka ewu-42 ubudala lidubule intombi yalo eneminyaka ewu-22 ubudala emuva kwengxabano equbuke phakathi kwabo.
Ngokwesitatimende se-Indipendent Police Investigative directorate(IPID) leli phoyisa liveze isibhamu ewindini kubo kwentombi layidubula yashona.
Kuthiwa libe selibaleka endaweni yesigameko.
Amaphoyisa alithungathile okuthe uma elithola ezama ukulibopha, lazidubula kodwa langashona.
Kubikwa ukuthi lisesibhedlela ngaphansi kweso lamaphoyisa kanti kulindeleke ukuba livele enkantolo yemantshi yaseProtea ngoMsombuluko ngomhla ka-30 ku-December ngecala lokubulala.
Isibhamu elisisebenzise ngenkatih libulala intombi kuvele ukuthi ngesombebenzi
