UKUPHELA kwenkontileka yenkampani ebihlela umcimbi iKZN Film and Television Si- mon Mabhunu Sabela Awards, yikhona okuholele ekutheni umcimbi walo nyaka uhlehli- selwe uMfumfu (October) no- nyaka.
ILANGA lithole ngomthombo walo ukuthi lo mcimbi woku- klomelisa abasemkhakheni wa- mafilimu nomabonakude Kwa- Zulu-Natal, kugcine kuphoqa ukuba uhlehliswe kulo nyaka. Lokhu kudalwe wukuthi inka- mpani ebiwuhlela ibisiphele- lwe yisikhathi sayo seminyaka emithathu.
Lo mcimbi uvamise ukwe- nzeka ekupheleni kukaNtulikazi (July), owaziwa ngokuthi iKZN Film Month, kwazise ihambisana nemicimbi yalo mkhakha okubalwa kuyo oweDurban International Film Festival, oweDurban Film Mart nalo wokuklomelisa.
Kuvela ukuthi kulo nyaka izinto zizokwenzeka ngendlela eyehlukile, njengoba noweDurban Film Mart nawo usuzokwe- nzeka ngoMfumfu nonyaka.
“Kuningi obekumele kwenziwe ukuqinisekisa ukuthi yonke imigudu nemigomo ehambisana nokuqashwa kwenkampani ezohlela lo mcimbi iyalande- lwa, ukuze kungephulwa umthetho kahulumeni wokuqasha inkampani ekulungele ukwenza lo msebenzi,” kuchaza umthombo.
Omunye umthombo uthe ku- nokukhathazeka ngokwehla kwentshisekelo yokungenela kulo mcimbi. Uthe nakuba lo mcimbi ukhula ngokwezinga lokuhleleka kwawo kodwa isibalo semingenelo siyehla, oku- yinto ekhathaza kakhulu izi- nhlaka zikahulumeni ezithi- ntekayo okuyiKZN Tourism And Film Authority, eyenga- mele ezokuvakasha namafilimu esifundazweni.
Ukugqoza kwentshisekelo kugcine kuholela ekutheni ku- hlehliswe ukuvalwa kokunge- nela la ma-award, njengoba ku- gcine kuvalwa ngoLwesihlanu olwedlule mhla ka-17 kuNtulikazi.
Isitatimende esikhishwe ngabe-KZN Tourism And Film Authority, sikuqinisekisile ukuthi umcimbi walo nyaka uzoba ngomhla ka-10 kuMfumfu kuthi owe-Durban Film Mart wona wenzeke kusukela ngawo umhla ka-10 uze uphothulwe ngomhla ka-12 kuwona uMfu- mfu.
Isikhulu se-KZN Tourism And Film Authority sesikhashana uMnu Sibusiso Gumbi sithi lo mcimbi usaqhubeka nokudlala indima ebalulekile kubakhiqizi bamafilimu nabalingisi abadabuka kulesi sifu- ndazwe.
Khona manjalo uyaqala umcimbi weDurban Interna- tional Film Festival ngoLwesi- ne, lapho kulindeleke ukuthi kukhangiswe ngamafilimu akuleli ahlukene naqhamuka kwa- manye amazwe.
Amafilimu azobe khonjiswa eSuncoast eNorth Beach kusukela ngoLwesine.
