KUSHONE abantu abawu-7 emgwaqweni onguthelawayeka u-N3 eMpumalanga ngoMsombuluko.
Ngokubika kweTimesLive le ngozi yenzeke ngemuva kokuba itekisi ligingqike laphenduka izikhawu.
Lo mthombo wezindaba ubike ukuthi abeRoad Traffic Management Corporation bathe le ngozi yenzeke ngezintatha zangoMsombuluko ebangeni elingamakhilomitha awu-10 ukusuka eVilliers endaweni yaseGrootvlei.
Kubikwa ukuthi azibanga khona ezinye izimoto ezibe yingxenye yale ngozi eshiye nabanye abagibeli abahlanu belimele kanzima.
Ngesikhathi sokushicilela lo mgwaqo ubusavaliwe ukuqinisekisa uphenyo olunzulu ngale ngozi.
Enye ingozi yenzeke endaweni yaseWilge Plaza eFree State kuwona uN3.
Kubikwa ukuthi nakulolo hlangothi lo mgwaqo uvaliwe njengoba kugingqike iloli.
