UTHOLWE eseshonile owesifazane imoto abehamba ngayo eguguleke izolo ebusuku ebhulohweni elikuSarnia Road ePine Town, entshonalanga yeTheku.
Abezimo eziphuthumay be-ALS Paramedics bathi baze bakwazi namuhla ekuseni ukucinga isizulu, esineminyaka elinganiselwa ko-50, kwazise isimo besisibi kakhulu ebusuku.
Imvula enamandla igadle kwezwakala ezingxenyeni eziningi eziseningizimu-mpumalanga yeKwaZulu-Natal.
Ilimaze imigwaqo kwezinye izindawo kanti kwezinye bekugcwele amanzi emigwaqweni, kungahambeki, kwezinye kuhambeka kanzima.
AbeSouth African Weather Service kuleli sonto bebekhiphe isexwayiso esikusigaba-6 semvula enamandla ehambisana nokuduma kwezulu. Isalindelekile imvula namuhla ngoLwesihlanu ezingxenyeni eziningi zesifundazwe.
Kulindeleke imibiko emingi njengoba abezimo eziphuthumayo besaqhubeka nokuhola umonakalo.
