KUSHONE owesifazane kwalimala abawu-10 ngesikhathi kubanjwa imoto yemali emgaqweni u-N2, eThekwini namuhla ekuseni.
Imibiko iveza ukuthi laba lowesifazane nalaba abalimele bebezihambela eceleni komgwaqo ngesikhathi bedutshulwa abasola ngesikhathi bebaleka.
Ngokusho kwabezimo eziphuthumayo bakwa-ALS Paramedics okuyibo abafike kuqala endaweni yesigameko kulaba abalimele kukukhona nonogada abebezihambela.
“Abasolwa baqale ngokukhipha imoto yemali engaqweni ngaphambi kokuyiqhumisa. Sifike endaweni yesigameko isimo sisibi njengoba sithole abanmtu abaningi abebelimele, okubalwa kubo ongogada abathathu. ebangeni elilinganiselwa kumamitha awu-500 bekukhona abanye abathathi abebelimele okungabagibeli betekisi abebeya emsebenzini, okusolwa ukuthi bebezama ukuyiduna babaleke ngayo. Kuwo lomgwaqo siphinde sasiza abanye abawu-2 abebedutshuliwe,” kusho i-ALS Paramedics.
Okhulumela amaphoyisa KwaZulu-Natal uCol Robert Netshiunda usiqinisekisile isigameko.
Uthi amaphoyisa afuna abasolwa abayinani elingaziwa, abashaye bachitha nesamba semali esingadalulwanga.
“Laba basolwa bahlasele onogada babephuca izibhamu ngaphambi kokushaya bachithe nesamba semali esingadalulwanga.
Babe sebedubiula kwalimala abantu abebezihambela eceleni komgwaqo. babe sebedubula belimaza nonogada wenkampani ezimele ozame ukubasukela. Owesifazane obeseceleni komgwaqo udutshulwe washona,” esho.
