UFUNA ubulungiswa umndeni wentombazanyana (3), yaKwaQiko, eMzinto, okusolwa ukuthi idlwe-ngulwe ngumakhelwane ngomhla ka-4 kuNhlolanja (February) no-nyaka okuthiwa uyachanasa, yize udaba lubikiwe emaphoyiseni.
Kubikwa ukuthi ingane iqede ukunukubezwa yanikwa uswidi, kwathiwa ingabikeli muntu ngo-kwenzeke kuyona.
ILANGA likhulume nonina wesisulu (29) (esiligodlile igama lakhe ukusivikela), oveze ukuthi ingane yehlelwe yilo mshophi ngemuva kokuba yayihambe no-mama ongumakhelwane wabo, iyova-kasha emzini wakhe.
Uthi ngemuva kwesi-khathi uthu-mele udadewabo wenga-ne ukuba ayoyilanda kwamakhe-lwane. Uthi bafice ingane ingasakwazi ukuhamba kahle, ihamba igxamalaza.
“Kuthe uma siyihlola esithweni sangasese, sathola ukuthi idlwe-nguliwe. Ngibe sengibuza umama wakwamakhelwane ukuthi kwe-nzekeni kuyona, wangitshela ukuthi uyibhekile, wathola ukuthi iphothukile,” echaza.
Ngemuva kwalesi gameko uthi uyiphuthumise esibhedlela, okuyi-lapho kutholakale khona ukuthi idlwenguliwe, wabe eseyovula icala emaphoyiseni.
Uthi kudlule izinsukwana inga-ne yavakashela uninakhulu ozala oyise, okuyilapho ifike yachaza ko-nke okwenzekile kuyona.
“Ibilokhu isaba ukusichazela isathukile, kodwa kugogo ishilo ukuthi u……..(emgagula ngegama), wayilalisa embhedeni, wayivala umlomo wayidlwengula. Kwaqha-muka unina kamsolwa (umama wakwamakhelwane), wakhuza.
“Iqhubeka, ichaze ukuthi unina kamsolwa wayithatha wayigona, wayilalisa esifubeni, wayipha uswidi nemali, wathi ingasho lu-tho uma ifika ekhaya, yanikwa no-makhalekhukhwini ukuba idlale ngawo,” kuchaza unina wesisulu.
Uthi selokhu kwenzeka lesi si-gameko isimo sibi enganeni, seku-nzima nokudlala nezinye izingane.
“Phezu kobuhlungu ekhala nga-bo esithweni sangasese, iguliswa amaphilisi eyanikwa wona esibhe-dlela, okuphoqayo ukuthi iwaphu-ze. Ngifisa ukuthi kube nobulungi-swa entweni evelele indodakazi yami. Umakhelwane ngagcina ukukhuluma naye ngosuku lwesigameko, akakaze asho lutho kuze kube yimanje,” esho
Uthi oku-mphatha kabi na-kakhulu wukuhudula kwamaphoyisa izinyawo.
“Selokhu ngavula icala, kakukaze kwenziwe lutho. Nomphakathi ususola ukuthi kukhona ukwenze-lela ngoba umalu-mekazi kamso-lwa usebenza esite-shini samaphoyisa,” esho.
Uthi nokuthi sekushintshwe umseshi wecala wakuthola ngoba esesukume waya esiteshini sama-phoyisa saseMzinto, ukuyobuza ngokuqhubekayo ngecala.
“Umthetho kumele udlale indawo yawo, kungathuleki sengathi akwenzekanga lutho enganeni yami,” kubalisa yena.
Okhulumela amaphoyisa eKZN, uLt-Col Paul Magwaza, uthi uphi-ko oluhlanganisa udlame lwase-mndenini, ukuvikelwa kwezingane namacala ezocansi lwasePort She-pstone, luphenya izinsolo zecala lokudlwengulwa kwengane enemi-nyaka ewu 3 – okusolwa ukuthi ya-dlwengulwa ngumsolwa emaziyo.
