IZOKHUMELANA umlotha iNdlunkulu yesizwe samaZulu. Lokhu kuvezwe yisitayimende esikhishwe nguMntwana uThulani Zulu, okhulumela iNdlunkulu neSilo esibusayo uMisuzulu kaZwelithini.
Ngokwesitatimende, kuvela ukuthi kubizwe zonke izindlu zasendlunkulu ukuba ziphelele emhlanganweni ozokuba ngoLwesine, ngehora leshumi naye emini.
Kulo mhlangano kubizwe amakhanda ezindlu nazo zonke izindlu zasendlunkulu. Ukubanjwa kwalo mhlangano kulandela inkulumo eyasabalala ezinyangeni ezedlule, lapho khona kwezwakala iphimbo leSilo lixabana nelinye ilungu lesifazane lomndeni wasendlunkulu.
“Umphumela walesi simo kwaba wukushintshisana ngamagama angemahle ikakhulukazi ezinkundleni zokuxhumana kwaze kwachaphazeleka nomkhwenyana wasendlunkulu. Emuva kokuhlala kwendlunkulu, kulungiswa lolu daba izigaba ngezigaba, indlunkulu ifinyelele ekutheni kudlulelwe esigabeni senhlambuluko,” kusho isitatimende.
