I-POSTBANK yexwayisa abahola izibonelelo ukuqaphela amaqola azenza izisebenzi zakwaSassa.
Kuthiwa izigilamkhuba sezinomkhuba wokuvashela izisulu emakhaya, zifune imininingwane yazo, zizishaya sabantu abasizayo. Kuthiwa lo mkhuba udlange kumakhadi amasha asePostbank namakhadi amadala aphuzi, akwaSassa.
Kuthiwa zifike ziqambe zithi amakhadi ezisulu adinga ukulungiswa, futhi uma zingaziniki lezi zisebenzi imininingwane yamakhadi nama-pin, izibonelelo zazo zizovalwa.
Esitatimendeni esikhishwe yiPostbank, ithi “Sithanda ukuqinisekisa abantu ukuthi akukho lutho oludinga ukulungiswa emakhadini ethu amnyama, nasemakhadini akwaSassa a-gold. Lawa makhadi asazoqhubeka nokusebenza nangale komhla ka-31 kuNhlaba (May)”
Ixwayise abantu ukuthi:
Benganiki omunte umuntu amaPIN amakhade: Izisebenzi sakwaPostbank kaziwafuni amaPIN abantu
Baqaphele abantu abeza kubo kungahleliwe: Izisebenzi zakwaSassa nezasePostbank kaziveli zifike nje zingabikile ukuthi ziyeza.
Banganiki abantu amakhadi abo.
Babike izinto ezisolisayo: Babike uma kufika abantu bethi bavela kwaSassa.
