UMNYANGO wezokuBusa ngokuBambisana nezoMdabu KwaZulu-Natal, wexwayisa umphakathi ngesimo sezulu esingeke sibesihle ezingxenyeni ezithile zesifundazwe. Uthi amathimba asebenza ngezimo eziphuthumayo ami ngomumo njengoba ezindaweni ezahlukene kulindeleke imvula enamandla, kanjalo nokuduma kwezulu namuhla ebusuku.
Uthi abesimo sezulu bathi kuzohlasela imvula enkulu engase igcine ilimaza ingqalasizinda, imfuyo nemigwaqo kwezinye izindawo.
Ezindaweni ezingase zithinteke babalula iDr N. Dlamini-Zuma, i-Underberg, iGreater Kokstad, iMpendle, Ingwe, iNkosi Langalibalele, iSobabili, uMkhambathini, iMpofana Giants Castle, iRichmond, uMsunduzi, uBuhlebezwe, uMngeni, uMshwathi, uMuziwabantu noMzimkhulu.
nonhlakaniphos@ilanganews.co.za
