INTATHELI YELANGA
LIQHUBEKILE ishobolo elibheke abadlali beKaizer Chiefs eqenjini lesizwe likanobhutshuzwayo, iBafana Bafana, njengoba kungekho ngisho oyedwa eqenjini labawu-25 – elizomela iNingizimu Afrika kwi-Afcon eqala mhla ka-21 kuDecember ize iphele mhla ka-8 kuJanuary, eMorocco.
Eqenjini elimenyezelwe ngumqeqeshi weBafana, uHugo “Madala” Broos namhlanje, kubonakale namagama angajwayelekile, okungelikaTylon Smith weQueens Park Rangers – egijima kwi-English Championship ephaleka i-English Premiership – nelikaShandre Campbell weClub Brugge yaseBelgium, bobabili abagqame eqenjini lika-Under 20, Amajita.
U-Elias Mokwana obolekiswe yi-Esperance de Tunis, yaseTunisia kwi-Al Hazem yaseSaudi Arabia, ubuyile emuva kokunyamalala isikhathi eside kwiBafana. Njengenjwayelo, abadlali beMamelodi Sundowns nabe-Orlando Pirates yibona abaningi kuleli qembu.
Kuzokhumbuleka ukuthi eqenjini labadlali abawu-56 ebelimenyezelwe nguBroos phambilini, bekukhona uBrandon Petersen ongunozinti weChiefs, uThabiso Monyane noBradley Cross abadlala emuva noMduduzi Shabalala, abahlungekile.
IBafana iku-group B, okukhona kuwona i-Egpyt, i-Angola neZimbabawe. Izovula ne-Angola mhla ka-22 ngo-19:00, ilandelise nge-Egypt mhla ka-26 ngo-17:00, ivale ngeZimbabwe mhla ka-29 ngo-21:00.Â
Selilonke iqembu likaBroos limi kanje:-
Onozinti: Ronwen Williams, Sipho Chaine, Ricardo Goss
Izitobha: Khuliso Mudau, Mbekezeli Mbokazi, Nkosinathi Sibisi, Aubrey Modiba, Samukelo Kabini, Thabang Matuludi, Siyabonga Ngezana, Khulumane Ndamane, Tylon Smith
Abasesiswini: Teboho Mokoena, Thalente Mbatha, Sphephelo Sithole, Bathusi Aubaas
Abagadli: Evidence Makgopa, Lyle Foster, Relebohile Mofokeng, Mohau Nkota, Sipho Mbule, Tshepang Moremi, Oswin Appollis, Elias Mokwana, Shandre Campbell
