ULIFEZILE iphupho lakhe uSibonelo Khwela engena isibili kwiDusi Canoe Marathon eqale ngoLwesine eMgungundlovu yasongwa ngoMgqibelo eBlue Lagoon, eThekwini.
Ngaphambi kokuqala kwalo mdlalo uKhwela wathi angakujabulela ukungena nabokuqala abathathu.
Nonyaka benze kahle abamnyama njengoba bebe ngaphezulu kwabayisihlanu abangene nabokuqala abalishumi.
UKhwela unxenxe abaxhasi ukuze bakwazi ukuba nama-Training Camp.
Ingqwele yalo mjaho kube ngu-Andy Birkett obesenqoba lo mjaho okwesi-15 nonyaka kwathi uChristine McKenzie wanqoba kwabesifazane.
