KUBUKEKA liqhubeka ishobolo leKaizer Chiefs osekuneminyaka ingayazi indebe, emuva kokubhujiswa yiMamelodi Sundowns ngo-4-0 kwiQuarter Final yeCarling Knockout Cup namhlanje, eFNB Stadium, eGoli. IDowns inqobe ngamagoli amabili ka-Iqraam Rayners, elikaPeter Shalulile nelikaKhuliso Mudau. Ukaputenii weChiefs, u-Inacio Miguel, ukhishwe ngekhadi elibomvu kulo mdlalo emuva kokuthola ikhadi lesibili eliphuzi ngokubamba uShalulile esebheke epalini.
NGU-GASTON Sirino weKaizer Chiefs eqashwe ngeso lokhozi ngabadlali beDowns; uRayners, uMudau noTeboho Mokoena. ISITHOMBE NGABE: BACKPAGEPIX
IChiefs ebingeko kwiMTN8 – egcine inqotshwe yi-Orlando Pirates – isisalelwe wukuzama ukunqoba iligi yeBetway Premiership neNedbank Cup. Le kilabhu elandelwa yinqwaba yabathandi bakanobhutshuzwayo eNingizimu Afrika nasemazweni angomakelwane, yagcina ngesizi ka-20214/2015 ukuqukula indebe, ithatha iligi.
