MZWAMANDLA ZONDI
SEZIGCWELE izikhala zabagijimi abazobamba iqhaza kwiComrades Marathon yangonyaka ezayo ezokuba mhla ka-8 kuNhlangulana (June) isukela eMgungundlovu, isongwe eThekwini.
AbeComrades Marathon Association (CMA), ngesikhathi bethula umjaho wangonyaka ozayo, babethe badinga abasubathi abawu-23 000, okuyisibalo sabasubathi okushaye ihora lesihlanu ngoMgqibelo, babe sebebhalisile.
Bekulindelekile ukuba imingenelo yalo mjaho ivalwe mhla ka-8 kuDecember, noma uma sekuhlangene isibalo esidingekayo.
AbeCMA bathi abasale ngaphandle ukubhalisela lo mjaho bangalinda uhlelo lwe-Substitution, apho abangenele lo mjaho bengeke besakwazi ukubamba iqhaza kuwona, bevulela labo abasalile.
