LUCKY CAIN
KUGCINE kuqalile, kwaqhubeka ukuhlolwa kwabagaqele isikhundla senhloko yabashushisi eNingizimu Afrika, nakuba iDemocratic Alliance (DA), ibisithumelele uNgqongqoshe wezobuLungiswa, uNkz Mmamoloko Kubayi, incwadi yokumisa lolu hlelo.
 Â
Ngaphambi kokuqala kwalolu hlelo – lokuhlolwa kwalaba abawu-7 abagaqele lesi sikhundla esiphethwe nguNkk Shamila Batohi ogcinayo ngenyanga ezayo – uNkz Kubayi uthe ihhovisi lakhe lithole incwadi yeDA eyingxenye kahulumeni wenhlanganisela yamaqembu, inxusa ukuba lumiswe.
 Â
Uchaze le ncwadi yeDA njengengakukhombisi ukwelulekwa ngendlela efanele. Uthe leli qembu lisabise ngokuya enkantolo uma lolu hlelo luqhubeka. Nokho kugcine kuqhubekile ukuhlolwa kwabagaqele lesi khundla. U-Adv Nicolette Astraid Bell ube ngowokuqala ukuphekwa ngemibuzo yithimba elihlanganiswe ukuhola le nhlolokhono.
Â
NGU-ADV Menzi Simelane.
Leli thimba liholwa ngungqongqoshe, kukhona uMcwaningimabhuku-jikelele, uNkz Tsakane Maluleke, uMnu Andrew Christoffel Nissen, ongusihlalo weKhomishini yamaLungelo Abantu eNingizimu Afrika, ummeli wasenkantolo enkulu, uNkk Nthabiseng Sepanya-Mogale, uSolwazi uSomadoda Fikeni ongusihlalo wePublic Service Commission, ummeli uNkosana Mavundlela ongumengameli weBlack Lawyers Association, nommeli uMachini Motloung ongumengameli weNational Association oF Democratic Lawyers.Â
 Abagaqele esokuhola abashushisi ngu-Adv Bell, u-Adv Hermione Cronje, u-Adv Andrea Johnson, u-Adv Xolisile Jennifer Khanyile, u-Adv Adrian Carl Mopp no-Adv Menzi Simelane.Â
  U-Adv Johnson uyinhloko ye-Investigating Directorate Against Corruption (IDAC), kanti uke wavela phambi kwekomidi lasePhalamende eliphenya ngokugxambukela kwesandla semfene emaphoyiseni nasengalweni yomthetho. Â
U-Adv Simelane uke wasiphatha lesi sikhundla ngesikhathi uMnu Jacob Zuma esengumengameli wezwe.Â
 Ngokubika kweDaily Maverick, izinhlangano ezizimele, iFreedom Under Law (FUL) neCouncil for the Advancement of the South African Constitution (Casac), zike zaphakamisa ukuthi lihoxiswe igama likaSimelane kwabazokwenza le nhlolokhono.
