UPHIKO loKlebe oluphenya ngamacala abucayi ePort Shepstone lucela ukufuniswa abasolwa ababili abathintekayo ekubulaweni iphoyisa lesifazane eMzimkhulu.
Ngokusho kwesitatimende samaphoyisa oKlebe bathungatha laba basolwa uSanele Mthembu noXolani Ngobese/ Ndlovu ngokubulawa kukaSayitsheni Ntombi Mbanjwa (33).
Kubikwa ukuthi uSayitsheni Mbanjwa wadutshulwa wabulawa esemzini wakhe eMzimkhulu ngomhla ka-11 April 2024 kanti ukutholakala kwalaba basolwa kungalusiza uphiko loKlebe ukuxazulula leli cala.
Kuleli cala kusaboshwe abasolwa ababili uSayitsheni Ntokozo Mngqithi noBhungane Hadebe.
Oklebe baveze ukuthi uMthembu wagcina ukubonakala kwaDambuza eMgungundlovy lapho ayingumnikazi we-spaza njengoba yena engowokudabuka eBulwer.
Ngakolunye uhlangothi uNgobese/ Ndlovu yena wagcina ebonakale ese-Edendale khona eMgungundlovu kant phambilini wayehlala eCapital City Housing eNPC lapho ayengumshayeli wemoto ekhokhelwa ngebanga (Uber).
Kunxuswa noma ngubano ongaba nolwazi ngalaba basolwa ukuba baxhumane no-Warrant Officer Sipho Mnguni kule nombolo yocingo: 082 556 9559.
