LIZOPHENYWA wuhlaka oluphenya amacala okusocongwa kosopolitiki olokubulawa kwekhansela laseKlaarwater, eThekwini, uMnu Sibusiso Khwela, odutshulwe wabulawa abasolwa abangaziwa izolo emini.
Ngokusho komkhulumeli wamaPhoyisa kuzwelonke, uBrig Athlenda Mathe, abaphenyi be-PKTT sebewuqalile umsebenzi wabo. Uthi banethemba lokuthi leli thimba lizoluxazulula loludaba.
“IPKTT yiyo ezohola uphenyo. Igeja selisensimini kubaphanyi. Sinethemba lokuthi bazo bazoqinisekisa ukuthi babhekana nengalo yomthetho abenze lesi senze,” kusho uMathe.
Ngokwembiko, kuvela ukuthi uKhwela, obeyikhansela ngethikithi le-ANC, uhlaselwe abasolwa abafike ehhovisi lakhe bengabantu abadinga usizo. Kuthiwa akuphelanga sikhathi befikile kwezwekala sekuqhuma isibhamu, kwabonakala abasolwa bebaleka ngezinyawo. I-ANC kwisiFunda seTheku isigxekile lesi sigameko. Ithi inethemba lokuthi amaphoyisa azoyithola imbangela yokubulawa kukaKhwela.
