OMASIPALA abane baseKwaZulu-Natal bengezelwe isibonelelo esingaphezu kuka-R300 million sokulungisa ingqalasizinda yamanzi wuMnyango waManzi nokuThuthwa kweNdle kuzwelonke.
Lokhu kuvezwe uMnyango wezokuBusa ngokuBambisana nezoMdabu kulesi sifundazwe namuhla, othi ukholwa ukuthi lesi sibonelelo esiwu-R317 million sizohlukaniswa omasipala abane okungowesiFunda iZululand ethole R55 434 00, owesiFunda ugu nesaseMajuba abathole uR15 000 000 isifunda ngasinye nowaseNewcastle othole uR15 000 000.
UMasipala waseZuland uphinde wahlomula uR217 247 000 kwisibonelo i-Regional Bulk Infrastructure. UNgqongqoshe woMnyango wezokuBusa ngokuBambisana nezoMdabu, uMfundisi Thulasizwe Buthelezi uthi labo masipala bangezelwe lesi sibonelelo ngenxa yokusebenzisa kahle imali eyatshelwe ukulungisa ingqalasizinda yamanzi.
Uthi labo masipala bayisibonelo sokusebenza ngokuzikhandla ekuthuthukiseni ingqalasizinda yamanzi ikakhulukazi ezindaweni zase makhaya.
