UKHOLWA ukuthi izinkinga ezingaxazululiwe “nokuncishwa” kothisha amalungelo kunomthelela emiphumeleni kamatikuletsheni uMnu Sanele Zondo, oyilungu lephalamende elibhekele ezemfundo eqenjini i-IFP.
UZondi uveze lokhu namuhla ngesikhathi ethula inkulumo yosuku emcimbini wokuklonyeliswa kawabafundi abenze kahle kwimiphumela yabo ka-matikuletsheni abangaphansi kukaMasipala wesiFunda uThukela, obanjelwe eLadysmith Indoor Sports Centre, eMnambithi.
Kuwo lomcimbi kuphinde kwahlonishwa namaciko adabuka ezindaweni ezakhele lesi sifunda.
UZondo uthi ukholwa ukuthi akangabazi ukuthi ukube izinkinga ezifana nokulungiswa kwengqalasizinda ezikoleni, inkinga yokuhanjiswa kokudla, ukushoda kwezincwadi nokunye ngabe imiphumela kamatikuletsheni mihle ngokwedlulele.
“Ngikholwa nawukuthi abafundi banikezwe amalungelo amaningi njengoba sesibona nezigameko eziningi lapho abafundi bebambana ngezandla nothisha. Nalokho kukodwa kunawo umthelela njengoba othisha begcina bengafundisi ngendlela efanele,” esho.
UZondo uthi ukholwa ukuthi uma uhulumeni engalungisa lezi zinkinga imiphumela yezwa ingaba mihle kakhulu.
