UMQEQESHI weBafana Bafana uHugo Broos ubona iMorocco okuyiyona esingethe umqhudelwano we-Africa Cup of Nations (Afcon) – oqale izolo ngeSonto – iyizimfivilithi ukukhala yemuke nalesi sicoco.
IMorocco iwuvule ngegiya eliphezulu lo mqhudelwano iguqisa ngo-2-0 iComoros koka-group A izolo ebusuku.
IBafana yona izovula lo mqhudelwano ne-Angola koka-group B namuhla ngoMsombuluko ngo-19h00.
“Uhlale usengozini uma uyimfivilithi kodwa bona ngibabona beyizona ukunqoba lo mqhudelwano.
Balikhuphule kakhulu izinga kunasemqhudelwaneni owedlule.
Kodwa-ke nathi sizolwa, kufanele senze isiqiniseko sokuthi sivula ngewini,” kusho uBroos.
