OWESILISA oneminyaka ewu-54 ubudala ushayiswe iguzu washona eFrasers ngasoThongathi ngoMgqibelo ntambama.
Lokhu kuvezwe ngabakwaReaction Unit South Africa (RUSA) abadalule babizwe ngemuva kokuba lo mlisa ubehamba egudla ujantshi etholakale elimele kanzima ngemuva kokushayiswa yileli guzu lesitimela.
I-RUSA ifice lo mlisa edindilizile elimele kanzima.
Kubikwa ukuthi abazibonele batshele i-RUSA ukuthi lo mlisa ubehamba maphakathi kojantshi ngesikhathi ehlangabezana nale ngozi.
Ngesikhathi befika abosizo lokuqala kubikwa ukuthi bekungasekho abangakwenza njengoba ebesevele eseshonile ngenxa yokulimala kwakhe.
Umndeni wakhe ufikile endaweni yesigameko ukuzomhlonza ngokusho kwabakwaRUSA.
