LUCKY CAIN
UMNYANGO wezeMfundo KwaZulu Natal usuzwakalise ukushaqeka ngesigameko sokubulawa kuka-principal wesikole samabanga aphakeme iSikhethuxolo High School eHammarsdale ngoLwesine.
UNgqongqoshe walo mnyango uMnu Sipho Hlomuka usigxekile lesi sigameko wasachaza njengesingenalo uzwelo emphakathini jikelele.
Esitatimendeni esikhishwe yilo mnyango uHlomuka uthe ukubulawa kwalo principal akubhekene naye kuphela kodwa kulwa nanekusasa lezingane nomkhakha wezemfundo jikelele.
Udlulise amazwi enduduzo kulo principal ebelingakadalulwa igama lakhe kuze kube wonke amalungu omndeni wakhe ayaziswa.
Uqhube ngokuthi akumele izikole ziphenduke indawo lapho abafundi nothisha bezoba kuzona ngokwesaba futhi bangakhululeki.
UHlomuka unxuse ingalo yomthetho ukuba ingenelele iphenye lolu daba ukuze abenzi balobu bugebengu bathole ukujeza okubafanale.
