NONHLAKANIPHO SHINGA
UPHUME inqina kamabuyaze umsakazi wo-Khozi FM, uSiyabonga Mhlongo (osesithombeni) – obhekene necala lokushaya ngenhloso yokulimaza isi-nqandamathe sakhe – ngesikhathi echithwa ethi uzama ukubuyela emsebenzini yize icala lingakapheli.
ILANGA lithole ngemithombo yalo engashayi eceleni ukuthi lo msakazi uthe uma ebona ukuthi icala abhekene nalo liyadonsa, wacela ukubuyela emsebenzini, abaphathi bathi udaba lwakhe bazolubheka uma sekuphele icala abhekene nalo. Leli phephandabalabika ngokushenxa kwalo msakazi emoyeni emuva kokusabalala kwe-zindaba zokuvulelwa icala.
ILANGA lithole ngemithombo yalo ukuthi lo msakazi ukhala ngokuthi ephaketheni lakhe kakungeni lutho. “Ukhala ngokuthi sesiside kakhulu isi-khathi engekho emoyeni, necala abhekene nalo kubonakala sengathi lizothatha isi-khathi eside njengoba lihlehliselwe umhla ka-27 kwephezulu. Uma liphinda lihlehli-swa, kusho ukuthi ngeke akwazi ukuphi-ndela emsebenzini,” kusho umthombo osondelene nalo msakazi.
Iphunzile imizamo yeLANGA yokuthola uSya, ucingo lwakhe belukhala lungabanjwa, kwaze kwashaya isikhathi sokuloba.
I-SABC eyengemele uKhozi FM, kuze kwashaya isikhathi sokuloba ingakayiphendulile imibuzo ethunyelelwe yona.
nonhlakaniphos@ilanganews.co.za
