ANGASE alahlekelwe ngumqeqeshi AmaZulu okuthiwa ufunwa nguRulani Mokwena owethulwe ngeSonto njengomqeqeshi omusha weMC Alger yase-Algeria.
ILANGA lithole ngemithombo yalo ukuthi uSuthu lungase lulahlekelwe nguWendell Robinson ongumqeqeshi wonozinti.
Kuthiwa uMokwena ufake uRobinson ethimbeni lakhe azosebenza nalo kule kilabhu.
Kuthiwa uMokwena kudala aqala ukukhuluma noRobinson.
URobinson ujoyine uSuthu maphakathi nesizini edlule emva kokushiya kwiMamelodi Sundowns abesehlale iminyaka kuyona.
Ungene endaweni ka-Aubrey Vilakazi osulile.
Kuthiwa uSuthu uma lulahlekelwa yilo mqeqeshi luyobe lushayekile njengoba kuthiwa unolwazi olunzulu ngebhola enjalo nje kuthiwa akancethezi, into uyibeka injengoba injalo, unomgogodla.
