YINQWABA yabantu esiboshwe ngamaphoyisa emigwaqweni yakuleli ngokushayela idle amponjwana, nokuhamba ngesivinini esiphezulu ngokweqile selokhu kuqale amaholidi okuphela konyaka.
Lokhu kuvezwe nguNkk Barbara Creecy onguNgqongqoshe wezokuThutha kuzwelonke ngoLwesine ngesikhathi ethula umbiko ngesimo sezokuphepha emigwaqweni, selokhu kuqale isikhathi samaholidi.
Ngokusho kukaNkk Creecy, sekwenziwe izivimbamgwaqo eziwu-561 kuzwelonke, kanti izimoto esezimisiwe, zahlolwa zilinganiselwa ku-500 000.
“Asebeboshiwe njengamanje sebengaphezulu kuka-3000,” kusho uCreecy.
Uqhube wathi basakhathazekile ngokuthi abantu abaningi, cishe abangu-941 kulaba asebeboshiwe, babanjwe bedle amponjwana.
