AMAPHOYISA asethole imoto emfuleni iHennops okukholakala ukuthi yiyona ebihamba amaphoyisa amathathu anyamalale ngeledlule, izidumbu zawo zatholwa kuwona lo mfula.
Izidumbu zamaphoyisa angoConstable uLinda Cebekhulu (24), uBoipelo Senoge (20) noKeamogetswe Buys (24) zitholwe nezinye ezimbili kulo mfula oseCenturion, eGauteng, ngoLwesibili.
Kuthiwa lawa maphoyisa ayegcine ukubonakala egalaji lakwa-Engine, eduze naseGrasmere Toll Plaza, emgwaqweni uN1 ngoLwesithathu lomhla ka-23 kuMbasa (April). Kuthiwa abafi babelibangise ePolokwane, eLimpopo, lapho bebesebenzela khona.
Amaphoyisa anethemba lokuthi ukutholakala kwale moto kuzowanika ulwazi ngokuthi kwenzekani kulawa maphoyisa.
