SEZIMENYEZELWE izinsuku nezinkundla okuzogijinywa ngazo imidlalo yesigaba sikaLast 16 seCarling Knockout ezoqala ngoMgqibelo isongwe ngoLwesithathu oluzayo.
ILamontville Golden Arrows izovula neChippa United ngoMgqibelo ngo-15h00 eKing Zwelithini Stadium, eMlazi, kuthi ngo-18h00 iPolokwane City ibhekane neSiwelele FC e-Old Peter Mokaba Stadium, eLimpopo. NgeSonto iKruger United izokwamukela AmaZulu FC ngo-15h00 eMbombela Stadium, eMpumalanga, kuthi iSekhukhune United idlale neRichards Bay FC ngo-18h00 eNew Peter Mokaba Stadium.
NgoLwesibili kuzokuba nemidlalo emithathu emikhulu njengoba iMamelodi Sundowns iqhathwe neMarumo Gallants eLoftus Stadium, ePitoli, kuthi i-Orlando Pirates idlale neMilford FC e-Orlando Stadium, eSoweto, ngesikhathi iKaizer Chiefs ishukana neTS Galaxy eFNB Stadium, eGoli. Yonke le midlalo izoqala ngo-19h00.
Imidlalo yalesi sigaba izovalwa ngoweDurban City ezobhekana neStellenbosch FC ngoLwesithathu ngo-19h00 eChatsworth Stadium, eThekwini.
