SESEVILE ku-1 600 isibalo sabantu osekuqinisekiswe ukuthi bashonile ngemuva kokuzamazama komhlaba eMyanmar ngoLwesihlanu ntambama.
Kulindeleke ukuba siqhubeke nokwenyuka lesi sibalo njengoba abezimo eziphuthumayo, okubalwa namavolontiya avela kwamanye amazwe, esaqhubeka nokutakula izisulu. Yinqwaba yabantu abebesabhekwa, okunokwesabela ukuthi bashonile ngenxa yalesi sigameko.
Kubikwa ukuthi kugadle ukuzamazama komhlaba okuwu-7.7 magnitude enkabeni yedolobhakazi iMandalay ngoLwesihlanu ebusuku, kwalandela i-aftershock ewu-6.7 magnitude. Kusabalale ezinkundleni ama-video nezithombe zokudilika kwamabhilidi amade nokulimala kwengqalasizinda ngezikhathi sokuzamazama komhlaba.
Lena ngenye yezinhlekelele ezinkulukazi esezike zenzeka kuleliya lizwe kanti abezimo zezulu bathi umhlaba kumele uzilindele izigameko ezishaqisayo njengoba zihambisana nokuguquka kwesimo sezulu (climate change)
