LUCKY CAIN
IZOHLONISHWA ngendondo eyisipesheli inkakha kaDJ, u-Oskido (osesithombeni) – ogama lakhe ngempela ngu-Oscar Mdlongwa – ngeqhaza layo ekuthuthukiseni umculo waseNingizimu Afrika.
Lo DJ uzohlonishwa ngeRiSA Chairpeson’s Award, emcimbini weSouth African Music Awards, ozoba ngoMgqibelo eGallagher Convention Centre, eGoli. U-Oskido ongomunye wabasunguli benkampani yodumo, iKalawa Jazmee, ayaziwa amagalelo akhe emculweni nje-ngoba le nkampani ikhiqize inqwaba yabaculi namaqembu adumile kuleli.
Phakathi kwabo kubalwa iBoom Shaka, iTrompies, iMafikizolo, iBrothers of Peace, iBongo Maffin, uT’zozo and Professor, ne-Uhuru.
Ephawula ngokuhlonishwa kwakhe ngale ndondo u-Oskido, uthe uzizwa ejabulile futhi ethobekile.
Isikhulu esiphezulu kwaRiSA, uNhlanhla Sibisi, sithe ngeke ukhulume ngomculo waseNingizimu Afrika ungalifaki igama lika-Oskido nangomthelela wakhe kuwona. Sithe beyinhlangano babone kumfanele ukuhlonishwa ngale ndondo.
