SENZO SOKHELA
UBONGE ivoti labalandeli uno-zinti weMagesi FC, u-Elvis Chipe-zeze (34) (osesithombeni), egoduka nesizumbulu semali.
IMagesi ibe yizingqwele zeCarling Knockout iguqisa iMamelodi Sundowns ngo-2-1 kowamanqamu ngoMgqibelo ebusuku eToyota Free State Stadium, eBloemfontein.
Amagoli eMagesi ashaywe nguTshepo Kakora noDelano Abrahams, eleDowns labekwa enethini ngu-Iqraam Rayners.
UChipezeze uqokwe njengomdlali ovelele kulo mdlalo emuva kokuba evotelwe ngabalandeli.
Usevote-lwe emidla-lweni emine ilandelana kulo mqhu-delwano, okwenze wagoduka no-R400 000 njengoba umdlali ethola u-R100 000 uma evotelwe njengomdlali ovelele umdlalo ngamunye.
Lo nozinti ube nesikhulu isandla ekutheni le kila-bhu inqobe lesi sicoco. Ngifuna ukuqala ngokubonga abalandeli ngaba-kwenze kithina. Ngishilo kuqala lo mqhudelwano ukuthi abalandeli babamba elikhulu iqhaza kulo msebenzi esiwenzayo. Njengamanje bonke bathokozile. Kunabantu abasuke eLimpopo ukuzoseseka.
“Ngiyaziqhenya ngomsebenzi abawenzayo. Ngizophinda ngibabonge nokungeseka. Nginqobe lo mklomelo ngenxa yabo,” esho.
Ephawula ngomdlalo, uthe: “Isu lethu lihambe ngendlela ebesihle-le ngayo.
“Sibaphe igoli elilula kodwa sangawagebisa amakhanda, sabu-ya ngesiwombe sesibili sashaya amagoli amabili.
“Besazi ukuthi sizowathola amathuba nangempela sawa-kha futhi sawasebenzisa.
“Yebo, kasidlalanga kahle kodwa vele inhloso bekuwukuthi sibanike ibhola balidlale, thina sibabambe nje ngesikhathi belahlile.
“Konke kuhambe ngendlela ebesihlele ngayo, sijabule ngokuba yizingqwele,” kusho lo nozinti owake wasiza iBaroka FC iqukula indebe yeNedbank ngo-2018, ihlula i-Orlando Pirates..
