LUCKY CAIN
UCHAZWA njengomuntu obeyinkakha emsebenzini wakhe futhi ezifela ngomndeni nezingane umlingisi uMichelle Botes ozakhele udumo emdlaweni owuchungechunge Isidingo.
Izindaba zokudlula emhlabeni zikaMichelle zisabalale ngoMgqibelo. Udlule emhlabeni ngemuva kokuhlaselwa yisifo somdlavuza wegazi.
Ubengomunye wabalingisi abaphambili emdlalweni Isidingo njengoba ebedlala indawo kaCherel de Villierss-Hines.Uke wahlabana izikhawu ngendondo yeBest Actress emcimbini yokuklomelisa abalingisi eyahlukene.
Uzakwabo kaMichelle kwiSidingo uJack Devnarain owabe edlala indawo kaRajesh Kumar kulo mdlalo umchaze njengenkakha kwezikamabonakude.
Ubekhuluma esiteshini sikamabonakude sezindaba i-eNCA lapho eveze ukuthi ngesikhathi belingisa kulo mdlalo ubengomunye wabebebukela kubo.
Uthe uMichelle ubezinikela emsebenzini wakhe futhi ekukhonzile nokucobelela abanye ozakwabo ngalo mkhakha.
Ngaphandle komsebenzi umchaze njengomunte obezifela ngomndeni wakhe futhi ezithanda nezingane.
UJack uthe umkhakha wezikamabonakude ulahlekelwe ngalo mlingisi obengaconsi phansi kubathandi bezinhlelo zikamabonakude.
