UDUNGUZA ebumnyameni umlingisi wakuleli, uDumisani Dlamini ngoku-theleka kwendodakazi yakhe engu-mculi, eyisihlabani saphesheya kwe-zilwandle, u-Amala Zandile Dlamini, odume ngelikaDoja Cat, emculweni.
Ngeledlule kuqinisekisiwe ukuthi uDoja Cat – oseke wahlabana ngezi-ndondo zeGrammy – uzotheleka eNi-ngizimu Afrika, ukuzonandisa emci-mbini iGlobal Citizen’s Move Afrika 2026.
Kulindeleke ukuthi uDoja Cat ana-ndise kulo mcimbi ozoba ngomhla ka-20 kuNdasa (March), eSunBet Arena, ePretoria.
Esitatimendeni esikhishwe yilesi sihlabani, sithe sizizwa sithobekile, futhi sizigqaja ngokuzoba yingxenye yomcimbi obungaza i-Afrika.
Sithembise ukuqhakambisa imvelaphi yaso yaseNingizimu Afrika, nokufaka umfutho ongaphezulu esiteji uma sesinandisa kulo mcimbi.
“Lona kakuwona nje umzungezo wokujabulisa abantu kuphela, kodwa okuhle ngawo wukuthi wakha ama-thuba emisebenzi, futhi uvula nama-thuba azohamba ibanga elide ukuthuthukisa umphakathi wakuleli nase-Afrika jikelele,” esho.
Le ntokazi isike yaveza izikhawu ukuthi kayikaze ihlangane noyise, kodwa iyazi ngaye, futhi inesifiso sokuthi ngelinye ilanga ihlangane naye.
Udaba lukaDoja Cat noDumisani luke lwaba sematheni kulandela izi-ngxoxo zale ntokazi iphawula ngaye kuma-podcast, nasezinkundleni zoku-xhumana.
UDumisani useke waphawula ngesifiso sakhe sokuhlangana nendodakazi yakhe esidume umhlaba wonke.
Ekhuluma neLANGA uDumisani owaziwa ngelikaChester, futhi oseke wabonakala emidlalweni eyahlukene kumabonakude nakumafilimu, uthe ubengakezwa ngokusemthethweni ngokuza kwendodakazi yakhe.
Uthe usazolinda, kungenzeka atshelwe ngokusemthethweni ngokuza kwayo kuleli. Uthi okwamanje kakukho azokuphawula okuthinta indodakazi yakhe.
Phambilini kwavela ukuthi uDumisani wahlangana nonina kaDoja Cat, ngesikhathi esazinze phesheya kwezilwandle, elingisa emdlalweni weshashalazi iSarafina, owakhiqizwa, wadidiyelwa nguMbongeni Ngema, ongasekho.
